| 魚纵彤樂 | 2008-09-02 04:25 |
|
2008-09-02 今晚，自己好傻仔咁去咗见网友， 嗯，当然喺见到有机会发展成女朋友嘅先去见啦~  准时去到见到佢， 喺佢铺头同佢好傻仔咁坐咗成晚，讲嘅嘢唔多， 果时，我觉得好尴尬，因为我喺第一次有呢种感觉， 同个女仔没嘢想倾，就连最基本嘅打招呼都没，汗。。。 果一刻真喺好想闪人啊，但无奈自己应承咗人话会等佢放工， 然后送佢返屋企嘅~~咁就无无聊聊咁倾东讲西啦。。。 好唔容易终于捱到十点半了，终于解放了，，，因为佢放工了， 同佢坐车，然后送咗佢返革新路， 之后我再坐车返天河。。。 果时我有一种感觉，真喺同佢没感觉，我谂佢应该唔会喺我杯茶， 当然，我对佢没感觉，同时我都感觉到佢对我没感觉， 呵呵。。。然后坐喺夜36车同我秘书发信息，讲佢知恋爱失败， 唔啱感觉。要继续揾下一段真爱。 就喺呢个时候，（即喺发紧信息时）坐喺隔离果个靓女，递咗只M记嘅红豆派俾我。 当时我好呆然。。。点解要用呢个词，因为我真喺未反应返过嚟。 可能佢睇到我嘅信息内容吧。以为我失恋，所以请我食红豆派。 就傻傻咁同佢讲咗句“多谢”拒绝咗之后， 喺呢一刻，我用眼角偷偷咁望咗佢几眼， 个样几靓，笑得好甜，可能喺见到人哋请自己食嘢，所以都会觉得佢好靓好甜吧~ 然后我用咗两个公车站嘅时间考虑应唔应该识佢。 最终都喺人性战胜理性，决定识佢。 然后好自然咁问佢罗咗QQ号码，没办法啦，因为惊即时罗手机号码会吓走人。 因为佢用手机上网睇小说，所以就用呢个做点，叫佢以后上Q介绍啲小说俾我睇， 呵呵。Q号罗到了，但唔知有没得发展呢，咁就要睇以后啦~ 原来失去咗一样嘢，上帝真喺会俾返另一样嘅你嘅窝。。。 哈哈哈~~~ |
|