| cruelbaby | 2009-04-28 20:15 |
|
我以为我已经放开我的心结。呢个心结已经困扰住我10几年啦。喺我7岁果年，我啊婆突然拉我去佢间房。佢话我父母成日嗌交，佢好担心佢地两个离婚。好希望我可以劝下佢地，唔好畀佢地离婚啊。阿婆话我好乖好生性，相信我一定可以令到佢地唔离婚。我7岁咋，就佄我就同细佬翻去同我父母一齐住。果时我妈开士多，我爸开发廊。两间铺相隔几个铺位。果时我父母经常嗌交。我妈因为血压低，每次嗌交佢都晕。每次嗌交我就拉老豆走。我叫细佬无论如何都要扶阿妈去张床度。我拉走佐我老豆，我就去拿风油整醒我妈。其实最衰最衰的人係我老豆兄弟姐妹同佢阿妈煽风点火。佢地都唔钟意我妈。 差唔多每个星期都係佄过，从来冇安宁过。有一晚我揾唔到我妈，我以为佢跳河死佐。我成晚都冇训。第二日佢翻来，先话畀我听佢去佐广州交菜。我喊住佄同佢讲。我话‘妈，无论如何你都唔可以唸住自杀。你点都要撑落去，而且你仲有我同细佬阿。我地两个会好乖好乖。唔会令到你唔开心，你千祈唔好唔要我地阿’。结果我妈就揽实我，应承我一定唔会乱唸。 结果我真係好乖，从来冇令到佢唔开心，年年都考第一。到我9岁果年，我妈拿住啲钱问我。佢话‘凤阿，我想出国揾钱，但係我唔放心你地两个’。我好坚定好正经佄同我妈讲，我话‘妈，你放心去阿，我会好畀心机读书，你揾到钱就搞埋我同细佬过去。你将我同细佬畀翻啊婆凑就得拉。如果老豆唔过去的话，冇所谓伽，因为你仲有我地两个撑你啊。’就佄样我妈一个人只身去佐南美洲。 我爸就係跟住果年（97年）去埋南美洲。 虽然佢地两个最后都冇离婚，但係就改变佐我的性格。原本7岁的细路女係需要父母的疼爱。偏偏我就要时常安慰我妈，我要撑住我妈，唔畀佢跌倒。呢种性格到呢刻都係佄。我父母依然嗌交，而我妈就只会同我讲，问我意见。我真係觉得好攰阿。我唔想再撑落去阿。  |
|