| 芝麻糊 | 2010-07-12 09:30 |
|
人地话，bbs就系一个社会既缩影，里面乜嘢人都有。主持左【恋爱方程式】呢个板块年几啦，睇到好多男男女女对于一问题，都持有普遍既一个观点。呢个问题就系：一个男仔点样先可以吸引到女性又或者唔知道点样去追女仔。好多人既回答不外乎就系：有钱就大把女自己黐埋黎啦。真系好多人甘答架，无论男女。 其实呢个观点我唔可以话唔赞同既，毕竟钱又真系几吸引既，但系吸引女人既唔系果个男人罗。甘一个男人点先会吸引到女人呢，点样先算系一个极品好男人呢？呢个系我个人见解，从来都相信有麝自然香既道理。 甘我简单甘讲吓啦：一个男人，最容易吸引女人既，就系幽默、风度、智慧、上进并勇于承担，最后先系多金。当一个男人具备以上条件，距可以唔靓仔，距可以唔高大，但系已经极具发光点。如果距仲系一个高大靓仔既，甘距就系一个极品男人，若果距识得落厨整返两味，而且肯落厨煮俾你食既，甘距除左系极品男人之外仲系一个好男人。 幽默感系生活既调味料，亦都系体现一个男人既心态，风度同智慧系体现一个男人既修养，上进勇于承担系体现一个男人既修为。 生活其实真系好平淡架，如果有一个富有幽默感，又肯为你洗手做汤羹，又上进并勇于承担既男人系你身边既，甘就够架啦。唔好话唔通一个穷到死既都要咩，放心啦女人，一个上进并勇于承担既男人系唔会俾距老婆饿亲，所以距有钱系迟早既事。 具备左以上条件既男人，要追女仔，剩低要具备既就系老生常谈既：胆大、心细、面皮厚 检视一下，你或者你身边既男人，系咪具备以上条件成为一个发光发亮既极品好男人  |
|