| 2012-07-05 22:38 | |
|
2011年5月12日喺朋友嘅婚礼识到佢（系我朋友嘅堂大佬），大家玩得好埋，婚礼嘅前一晚我地一班朋友去咗18玩，都算系同学聚会啦！大家都有一段时间冇见，玩得好尽兴，不过我就经常输，佢坐我隔离，就帮我顶咗好多酒，班朋友就话佢对我一见钟情，当时以为讲笑，所以冇当真。 朋友婚礼嘅第2日，因为我系伴娘，所以我就同佢去帮朋友还婚纱，一路上倾咗好多，对佢都有些少了解。 之后，佢都有联系过我，但，因为我有男朋友，所以冇点理佢。再之后，我同我男朋友发生矛盾，好唔开心。佢睇得出我唔开心，一直关心我，仲话，只要我愿意，佢会俾到我想要嘅幸福。但我唔想伤害到佢，因为我知道自己偏爱我男朋友。 我同我男朋友感情断断续续出现问题，直到我同我男朋友分手之后，佢话要正式开始追求我。其实呢一年以来，佢默默为我付出真系好多好多，但系，我对感情呢样嘢睇到淡晒，我觉得乜嘢甜言蜜语都系废话，我唔想再得到之后又要再次失去，我觉得好打击。 而且，感觉单身仲好，无忧无虑，起码自己想点就点，去旅游，去踩车，几自由！ 但系，佢冇放弃，仲走到我工作嘅地方等我收工，之后陪我坐车翻屋企，知我晕车，就买定晕车贴俾我，知我呢排一直咳都未好翻，又买咗水同药俾我。最重要嘅系佢既然向我求婚，话愿意照顾我到老，俾我幸福.......... 我有D感动啦，好想喊，点解？点解？我到底应唔应该接受佢？  |
|
多谢哦！乜你以为个个人都会好似你咁嘎？