查看完整版本: [-- 背3000字变6000字! --]

蓝调粤语 -> 粤语吹吹吹水区 -> 背3000字变6000字! [打印本页] 登录 -> 注册 -> 回复主题 -> 发表主题

干物女王 2017-08-20 08:19
        本嚟为咗顺利通过考核,我提前估咗个题目,用咗两个月嘅时间已经将一篇3000字嘅稿背到滚瓜烂熟嘅啦,点知就喺我背熟嘅当日接到方案通知,内容并唔係我要讲嘅果个内容,我之前背嘅果D内容全部作废冇用了!冇用了!冇用了!

        于是我又用咗7个钟头重新揾咗一篇3000字嘅稿嚟重背,但係今次得7日时间背,于是我每日6点起身背1000字,用咗3日时间背晒全部内容,第4日开始每日将所有内容连埋一齐背,到最后一晚我叫阿妈扮评委,我企喺佢面前加埋小小肢体语言练完一次又一次。

        当晚训到5点就醒咗,又喺床喥默背咗一次。阿爸仲紧张到5点几就起身蒸定两个镘头俾我做早餐,我起身之后,佢仲揸电单车送我去路边搭BUS,三番四次叮嘱我千奇唔好搭错车。阿妈又提醒我唔好傻梗梗企喺喥发呆错过咗班车。

        去到之后抽签,我竟然抽到最后一名!最后一名!最后一名!番到屋企之后阿爸仲闹我做乜咁鬼冇用抽到最后一个!而且个数字极之唔吉利!竟然係14(实死)!结果等到11:10先轮到我!我本嚟惊自己冇精神,所以提前叫阿爸冲一壶绿茶俾我带去饮提神,但係我平时从来唔饮绿茶嘅,阿爸都提醒过我平时唔饮茶嘅人突然之间饮会好虚嘅,当时唔明,直至到等咗好耐越嚟越口渴越嚟越肚饿,所以我饮晒成壶绿茶,等咗3个钟头就嚟到我果阵,我准备先去一下厕所,结果一起身就头晕,成身冇力了!冇力了!冇力了!
        
        早知绿茶会咁嘅,我就净係带水啦!喺讲嘢嘅时候,无论我点想用力,身体都好虚冇晒力,不过好彩我已经全部背熟晒,由头到尾基本上係一字不漏全部背晒!终于有惊冇险考完一身松了!

Mr.Jerry 2017-11-15 23:23
犀利啊


查看完整版本: [-- 背3000字变6000字! --] [-- top --]


Powered by PHPWind v6.3.2 Code © 2003-08 PHPWind
Time 0.007685 second(s),query:6 Gzip enabled

You can contact us